Гэгээн цагаан өдрөөр бяцхан хүүг xyлгайлах гэж оролдсон залууг ах нь анзаарч дүүгээ xyлгайлагдахаас аварчээ
![](https://25tsag.com/wp-content/uploads/2021/06/42-9-750x470.jpg)
Зам дээр явж байгаа эрэгтэй дүүгээ xyлгайлагдахаас аварч байгаа хүүхдийн тухай бичлэг цахим сүлжээг доргиож байна. Daily Mail сонинд Даваа гарагт мэдээлснээр цагдаа нар Жу гэгч xvнийг xvн xyлгайлахыг завдсан хэргээр баривчилжээ. Бүх үйл явдал дараах байдлаар өрнөжээ.
Бяцхан хүү БНХАУ-ын Дунчэн хотын Фэнганг дахь цахилгаан барааны дэлгүүрийн урд зогсоод зурагт үзэж байв.
Том ах нь бусад дүү нартайгаа ярьж байхад хар цамцтай хүн бяцхан хүүд ойртож байгаа харагдана. Тэр хүн бяцхан хүүг зурагтнаас эргүүлж аяндаа гараас нь атгаад холдож эхлэв. Бяцхан хүүг тэндээс xyлгайлахад ердөө 3 секунд л зарцуулсан байна. Аз болоход том ах нь энэ мөчид эргэн харж, дүү нь хачин хүнийг дагаад явж байгааг анзаарчээ.
Тэр даруй тэр хүн рүү гүйж очоод дүүгээ нь барьж авав. Хэрэв ах нь энэ дүр зургийг арай хожуу олж харсан бол дүүг нь xyлгайлж болзошгүй байжээ. Гэртээ эргэж ирээд дүүгээ xyлгайлагдах шахсан гэж аав, ээждээ хэлжээ. Эцэг эхчүүд дэлгүүрийн камерыг шалгаж цагдаад мэдэгдсэн байна.
Цагдаагийн байгууллагаас нэг эрэгтэйг илрүүлж бapивчилсан бөгөөд одоогоор мөрдөн байцаалтын шатанд байна гэж мэдэгдэв.
Үүний зэрэгцээ хүн xyлгайлсан гэж сэжиглэгдэж буй эр цагдаагийн мөрдөн байцаалтын үеэр дээрх мэдээллийг няцааж, хүүхэдтэй тоглохыг хүссэн бөгөөд түүнийг xyлгайлах бодолгүй байснаа мэдэгджээ.
Хүүхдүүд л болсон хойно гадаа тоглоно, гэнэн юм болохоор иймархүү зальтай этгээдүүдэд хууртах энүүхэнд. Тийм учраас та бүхэн үх хүүхдээ сайн харж, танихгүй хүнийг дагаж явж болохгүй, танихгүй хүнийг өөртөө хүргэж болохгүй гэдгийг маш сайн зааж өгөөрэй гэж та бүхнээсээ хүсэж байна. Зун цаг болсон тул эцэг эхчүүддээ анхааруулаарай!