Эдгээр хүүхдүүд хичээлдээ явахын тулд гялгар уутан дотор орж, гол гатлан, ой модоор явж байж сургууль дээрээ очдог гээд боддоо
![](https://25tsag.com/wp-content/uploads/2021/06/16-8-750x470.jpg)
Ихэнх хүүхдүүд өдөр бүр сургууль руугаа автобусаар явах азтай байдаг. Гэсэн хэдий ч Вьетнам дахь нэгэн тосгоны сурагчидад бол сургууль руугаа явах нь тийм ч хялбар биш юм. Эдгээр хүүхдүүд сургууль руугаа явахын тулд гол гатлах хэрэгтэй болдог. Голын үерийн үед гялгар уутанд хүүхдүүдийг хийх хэрэгтэй байдаг бөгөөд ингэснээр аюултай голоор дамжин өнгөрөх боломжтой болдог байна.
Энэ бол Вьетнамын Диен Биен мужийн Хуой Ха тосгонд амьдардаг хүүхдүүдийн амьдрал юм. Тосгон нь маш алслагдсан тул сурагчид сургууль руугаа явахын тулд гол гаталж, дараа нь ойгоор дамжин өнгөрөх шаардлагатай болдог гэнэ. Харамсалтай нь гол үерт автсан үед, дамжин өнгөрөхөд хэтэрхий аюултай тул хүүхдүүд том асуудалд ордог. Ийм өдрүүдэд тэд хөдөлмөрийн чадвартай насанд хүрэгчдийн ачаар сурагчдыг том гялгар уутанд битүүмжилж, усан дээгүүр зөөдөг хэрэгтэй болдог байна. Эдгээр сурагчид зөвхөн сургуульдаа хүрэхийн тулд л холын замд бэлтгэж байна.
Тосгоны бүх хүмүүс, үерийн үеэр хүүхдүүд голын дээгүүр гарах боломжийг бүрдүүлэхийн тулд хамтран ажилладаг. Сурагчид ихэвчлэн тэднийг авч явах гялгар уутаа өөрсдөө авчирдаг байна.
Хүүхдүүдийг хуурай байлгахын тулд гялгар уутыг лацдан дотор нь суулгадаг гэнэ. Голийг гатлах зоригтой, илүү хүчтэй эрчүүд тэднийг голын дээгүүр авч явдаг байна.
Энэ бол эрсдэлтэй алхам бөгөөд сурагчид ихэвчлэн аюултай усан дээгүүр өнгөрөхөөс ихэд эмээж, болгоомжилдог байна. Гэсэн хэдий ч тэд үргэлжлүүлэн хичээлдээ сууж байхын тулд энэ нь зайлшгүй шаардлагатай гэдгийг тэд бас ойлгодог.
Тэднийг голын дээгүүр аюулгүй авчирсны дараа, сурагчид өтгөн ой дундуур 8км зайтай явж сургууль руу очих ёстой байна. Энэ бол холын аялал тул хүүхдүүд бүтэн долоо хоногоо сургууль дээрээ өнгөрөөхөөр сонгодог бөгөөд зөвхөн амралтын өдрөөр гэртээ харьдаг гэнэ.