Багш нь олон жилийн өмнө хурааж авсан хайрын захиаг нь хуримын өдөр нь бэлэг болгон буцааж өгчээ

Хуримын зочид нь хоёр хүний ​​аз жаргалтай цугларалтыг тэмдэглэх гэж хурим дээр хамгийн сайхан бэлгэсийг авчран овоолдог. Зарим нь бүр үүрд нандигнан хадгалагдах хосын хуримын бэлгийг өгж хосуудын холбоог хүндэтгэдэг.

Гэсэн хэдий ч нэгэн эрэгтэй өнөөг хүртэл харж байсан хамгийн өвөрмөц, мартагдашгүй хуримын бэлгийг өгсөн юм. Хятадад саяхан гэрлэсэн хосуудад багш нь урьд нь тэднээс хурааж байсан хайрын захиаг буцааж өгсний дараа хосын хамгийн нандин бэлэг болж хувирчээ.

Сэтгэл хөдөлгөм мөчийг камерын бичлэгт буулгаж авсан ба, Хятадын твиттер шиг Weibo дээр тавигдсан бөгөөд ганцхан өдрийн дотор 220 сая гаруй үзэгч цуглуулжээ. Энэ нь богино хугацаанд платформ дээр трэнд болж буй сэдэв болсон юм. Ахлах сургуулийн хайртууд, залуу хос байсан эхний өдрүүдийнхээ талаар илтгэл тавиулхаар багшаа урьжээ. Хуримын бичлэг дээр, багш нь хосуудад бэлгээ өгөхөөр тайзан дээр гарч байгаа харагдана.

Тэр хэлсэн нь: ‘Би чамайг дунд сургуульд байхад чинь, би чиний хайрын захиаг хурааж авсан. Би сургуулиа төгсхөд чинь чамд буцааж өгөхийг үнэхээр хүсч байсан. Харамсалтай нь би захидлыг ‘хүргэх’ ажилд бага зэрэг хоцорсон байж магадгүй юм.’ гэж тэрээр хэлсэн юм.

Багш нь сурагчдаа хичээл дээр нь анхаарлаа төвлөрүүлэхийн тулд захидлыг хурааж авсан байж магадгүй гэж бодож байна. Хүлээгдэж байсны дагуу уг видео бичлэг нь маш олон хүмүүсийн чин сэтгэлийн үгнүүдийг сэтгэгдэл хэсэг дээр хүлээж авсан. Тэдгээрийн зарим нь: ‘Энэ багш хэдийгээр сурагчидтай ямар ч цусан төрлийн холбоогүй ч гэсэн тэднийг хамтдаа харж, ирээдүйд амжилтанд хүрэхийг хүсжээ. Ямар эрхэмсэг багш вэ’

‘Одоо энэ бол зүрх сэтгэлтэй багш байна. ‘Энэ нь намайг маш их аз жаргалтай болгож байна. Энэ бол сурагчийн дүрэмт хувцаснаас хуримын даашинз хүртэлх түүх юм.’ ‘Багш маш их анхааралтай бөгөөд эдгээр олон жилийн турш захидалуудыг хадгалсаар ирсэн байна.’ гэж хэллээ. Харамсалтай нь хайрын захидлын агуулгыг хэзээ ч задлаагүй тул тэмдэглэл дээр юу бичсэнийг бид хэзээ ч мэдэхгүй.