Хорт хавдартай ээжийгээ эмчлэхийн тулд эмч болохоор шийдсэн өсвөр насны охин Анагаахын сургуулиа төгсөөд Малайзын хамгийн залуу эмч болжээ
Анагаахын сургууль төгсөх нь амаргүй ажил юм. Оюутан бүр өөр өөр бэрхшээлийг даван туулж, ихэнх цагаа сурахад зарцуулдаг. Анагаахын сургуулийг төгсөхөд олон жил шаардагддаг боловч Малайзын 19 настай нэг залуу охины аялал удахгүй дуусах гэж байна.
Чан Хао Шан энэ жил анагаах ухааны бакалавр, мэс заслын бакалаврын зэрэгтэйгээр Taylor’s University-ийг төгсөх гэж байна гэж Straits Times мэдээлэв. Анагаахын оюутан Sin Chew Daily-д өгсөн ярилцлагадаа түүний унших дуртай зүйлс нь түүнийг ихэнх насны хүүхдүүдээс ялгаруулдаг гэж хэлсэн байна. Чаны ээж нь хөхний хорт хавдартай болсоны улмаас, түүнд анагаах ухаанд суралцах сонирхолыг тавьж өгжээ.
Чан ээжийнхээ оношийг найман настай байхдаа олж мэджээ. Энэ нь түүнд хүний анатомийн талаар болон биеийн функцууд хэрхэн ажилладаг талаар илүү ихийг мэдэх сонирхолтой болжээ. Тэрээр Хятадын хэвлэлд Strait Times-ээр дамжуулан ‘Би хүний биеийн үйл ажиллагааг их сонирхож байсан. Жишээлбэл, хүмүүс ямар нэгэн зүйлийг залгихад хоолойд юу болдог нь надад үнэхээр сонирхолтой санагдсан.’ гэж хэлжээ.
Чан өөрийн насны бусад сурагчдаас түрүүлж байгаа байна. Тэрээр Куала Лумпурын бага сургуульд гурван жил сурсны дараа олон улсын сургуульд шилжжээ. Чан 13 настай байхдаа дунд сургуулиа ганцхан жилийн хугацаанд төгссөн байна.
Ерөнхийдөө дунд сургуулийн сургалтын хөтөлбөрийг төгсөхөд нэг сурагч таван жил шаардагдана. Гэсэн хэдий ч Чан өөрийгөө сорих дуртай гэж тэр хэлсэн ба үүний улмаас сургуулианхаа түвшинг хэдэн жилээр алгасаж чадсан гэнэ.
‘Ахиц дэвшил хэтэрхий удаан байсан тул ангиуд надад хэт уйтгартай мэт санагдаж, багш нар ижил зүйлийг давтсаар байсан. Хэдхэн хоногийн дотор би сурах бичгийг бүхэлд нь судалж дуусгасан.’ гэж тэрээр хэлжээ.
Энэ жил тэрээр Анагаахын сургуулиа төгсөх гэж байгаа тул Чан одоо анагаахын дадлагаа хийхээр тэсэн ядан хүлээж байгаа байна. Гэхдээ төгсөх нь түүний хувьд төгсгөл биш бололтой. Түний эцсийн зорилго нь мэргэжилтэн болох гэж тэрээр шийджээ.
