Энэхүү 25 настай залуу ядуу хүмүүсийг хооллохын тулд ажлаасаа гарсан ч хожим нь хатан хаан Элизабетээс шагнал авч чаджээ
Анкит Каватра бусдын адил амбицтай залуу байсан. Тэрээр дэлхийн зөвлөх байгууллага дахь ирээдүйтэй ажилд ажилладаг байв. Гэвч нэг л өдөр тэр амьдралаа өөрчлөхөөр шийдсэн.
‘Би дэлхийн бизнесийн зөвлөх компанид хоёр жил ажилласан. Нэгэн өдөр би алдартнуудын хуриманд очсон бөгөөд хуриманд 10 мянга орчим хүн уригдаж, тэдэнд зориулж 35 гаруй төрлийн хоол хийж өгсөн. Үлдэгдэл хоолыг шууд л хогийн саванд хаясан. Үүгээр 5000 хүнийг хооллох боломжтой байсан’ гэж ноён Каватра хэлэв.
Үүнийг харсан тэр ямар нэгэн зүйл хийхээр шийджээ. Тэрээр 2014 онд ажлаасаа гарч, өлсгөлөнг багасгахын тулд Feeding India компанийг үүсгэн байгуулсан. Тэрээр идэх юмгүй хүмүүсийг хооллохын тулд зоогийн газар, гуанз, аж ахуйн нэгжийн цайны газар, хүлээн авалтын хоолны үлдэгдлийг хүмүүст тарааж өгдөг. Энэтхэг улсад жил бүр 67 сая тонн хүнс хаягддаг бөгөөд энэ нь Их Британийн үндэсний үйлдвэрлэлээс их юм.
Каватра Делигийн өнцөг булан бүрийн хоолны газрууд болон бусад бизнесийн байгууллагуудтай хамтран ажиллаж, 5 сайн дурынхны хамт хүмүүсийг хооллох аялалд гарав. Тэд 24/7 лавлах утас, гар утасны апп, имэйлээр дамжуулан ТББ -д хандаж, шинэхэн, халуун байхад нь хоол хүнсээ хүргэх боломжтой. Хүмүүс түүний байгууллагад сайн дураар хандив өгдөг.
Ердөө 2 жилийн дотор Feeding India нь 2000 сайн дурын ажилчинтай болж, 32 хотод тархжээ. Тус ТББ нь 1.35 сая индианчуудад үйлчилж, 3.75 сая гаруй рупийн үнэтэй хоол хүнс хог хаягдлаас хэмнэсэн байна. Анкитын компаний зорилго нь 2020 он гэхэд 100 сая хоолоор хүмүүсийг хангах юм.
НҮБ -аас Тогтвортой хөгжлийн зорилгийн төлөө 17 залуу удирдагчийн нэгээр Каватраг сонгосон байна. Каватрад ерөнхийлөгч, ерөнхий сайд, дэлхийн хэмжээний гүйцэтгэх захирлууд гээд нэр хүндтэй хүмүүст санал бодлоо хуваалцах боломж олджээ. Тэр Английн хатан хаан Элизабетээс залуу удирдагчийн шагнал хүртсэн.
