Ганцхан бичлэгээрээ амьдралаа өөрчилсөн азтай Африк хүүгийн сэтгэл татам түүх

Лагос хотын захын Ожо хотын 11 настай хүүгийн бичлэг цахим ертөнцөөр тарж, Виола Дэвис зэрэг алдартнууд хүртэл анхаарал хандуулжээ. Эцэст нь Америкийн балетын театрын уран сайхны удирдагч Синтия Харви түүнийг хайж олохоор шийдсэн байна.

Энтони Ммесома Маду бороо орж байхад xeл н.ү.ц.г.э.н бетонон шалан дээр дэгжин хөдөлгөөнөө үзүүлж буй нь бичлэгэнд үлджээ. Бороотой хэдий ч тэрээр гүйж, үсэрч, хөдөлгөөнөө төгс гүйцэтгэлтэй хийсэн байна. Маду ‘Бүжиглэж буй 12 гүнж’ киног үзсэний дараа балетыг сонирхох болжээ.

Маду “Би хүүхэлдэйн кино үзэж байхдаа ээждээ балет бүжиглэх хүсэлтэй байгаагаа хэлсэн” гэв. Тэрээр “Leap of Dance Academy”-ийг үүсгэн байгуулагч Даниел Ажала Овосенитэй ээжийнхээ хамт Лагос хотын захын Ожо хотод нүүж ирэхдээ танилцжээ.

Овосэни Мадугийн ээж Ифеома Маду бүжиглэх дуртайг нь мэдээд хүүгээ дугуйланд бүртгүүлэхийг уриалав. Тэрээр бусад 11 сурагчдын хамт Овосэнигийн бүжгийн академид балетаар суралцдаг аж. Мадугийн хэлснээр олон хүн түүнийг бүжиглэх ёсгүй гэж боддог гэв.

“Миний амьдардаг газарт над шиг эрэгтэй балетчин байдаггүй. Хүмүүс балетыг зөвхөн охидод зориулагдсан гэж боддог ч энэ нь зөвхөн охидод зориулагдсан зүйл биш гэдгийг мэддэггүй” гэж Маду ВВС-д ярьжээ. “Бүжиглэж байх үед зүүдэлж байгаа мэт мэдрэмж төрдөг” гэж тэрээр нэмж хэлэв.

“Энтони бол маш тууштай сурагч. Эхний өдрөөсөө тэр үргэлж цагийг маш сайн баримталдаг байсан. Бид балетын бүжгийн талаарх хэвшмэл ойлголтыг өөрчлөхийг хичээж байна. Хөвгүүд балет бүжиглэж чадна” гэж түүний багш People сэтгүүлд хэлэв. Тэрээр долоо хоногийн зургаан өдөр, өдөр бүр таван цагаас багагүй бэлтгэл хийдэг.

Түүний бие даан сургасан бүжгийн багш Овосэни өсвөр насандаа “Сүүлчийн бүжгийг авар” киног үзэж, бүжиглэх сонирхолтой болжээ. YouTube-ийн хичээлүүдийг үзэж, Google файлуудыг авч, арга техникийн дадлага хийснийхээ дараа удалгүй балетад дурласан аж.

“Манай хүүхдүүд заримдаа бүжигчдэд тохиромжгүй н.ү.ц.г.э.н шалан дээр бэлтгэл хийдэг. Гэхдээ бидэнд байхгүй зүйлсийнхээ төлөө шантрахгүйн тулд бид хөдөлмөрлөсөөр  л байна” гэж Овосэни хэлэв. Тэрээр Мадуг тэдний нэгэн уулзалтын үеэр зураг авалтанд оруулсан бөгөөд бичлэг нь цахим ертөнцөд таржээ.

“Энэ видео бол зүгээр л хөдөлгөөний засварыг харуулах зорилготой байсан… Миний төсөөлж байснаас ч алдартай болсон тул надад дуудлага ирж эхэлсэн. Олны танил хүмүүс бидний тухай постлож байсан” гэж тэр хэлэв.

Нью-Йорк дахь Жаклин Кеннедигийн нэрэмжит Америкийн балетын театрын уран сайхны удирдагч Синтия Харви ч Мадугийн балетын ур чадварыг биширснээ илэрхийлжээ. Их Британиас нэг найз нь түүнд бичлэгийг илгээсэн бөгөөд тэр даруй хүүг хайж эхэлжээ. Эцэст нь түүнийг хайж олоод тэр түүнд ABT-д бүрэн тэтгэлэгтэй суралцахыг санал болгов.

Маду 2021 онд болох ABT виртуал залуу бүжигчний зуны семинарт оролцохоор болсон гэж Cincinnati Enquirer мэдээлэв. “Тэр видеон дээр би хэн нэгэнд хайр, хүсэл мөрөөдөл байхад тууштай байж чаддагийн төгс жишээ болсон хүүг харсан. Түүний хэр их шийдэмгий байсан нь тэр даруй тодорхой болсон” гэж Харви хэлэв.

Түүгээр ч зогсохгүй ABT нь Овосэнийг үндэсний сургалтын хөтөлбөртөө багтаасан бөгөөд багш нарт ур чадвараа дээшлүүлэхэд нь туслах хоёр долоо хоногийн курс гэж Cincinnati Enquirer мэдээлэв.

Нигерийн продюсер, балетчин асан Фаде Огунро ч мөн адил твиттер хуудсандаа видеог хуваалцжээ. Тэрээр “Би хөгшин балетчин хүний ​​хувьд түүний сайхан шугам, хурууны үзүүр, дэгжин байдалд нь атааpxаж байна. @leapofdanceacademy Би түүнийг их сургуулиа төгсөх хүртэл дэлхийн хаана ч байсан сургалтын төлбөрийг нь төлөхийг хүсч байна” гэж бичжээ:

Бичлэг цахим ертөнцөд тарахад Маду баяртай байв. Тэрээр “Би энэ бичлэг цахим ертөнцөд тарна гэж бодоогүй учраас их гайхсан. Олон хүнд ийм боломж байдаггүй учраас би АНУ-д очиж томоохон шагнал хүртсэн нь хүлээн зөвшөөрөгдөхийн хамгийн сайхан хэсэг юм. Бурханд талархаж байна.” гэжээ.

Хүссэн зүйлийхээ төлөө тууштай хөдөлмөрлөөрэй. Бурхан таныг харж байгаа шүү!