Энэтхэгт нэгэн автобусны зорчигч ‘анхилуун үнэртэй’ хөлнөөсөө болоод баривчлагджээ
Өдөржингөө гадуур явсны дараа гутлаа тайлахтай адил мэдрэмж төрүүлэх зүйл бараг байдаггүй билээ. Гэхдээ энэ тайвшрах мэдрэмжтэй цуг хөл олон цагаар чийг даасан, агаар үзээгүйн үр дүнд таагүй үнэр гарч ирдэг. Бид бүгдээрээ хөл муухай өмхий үнэртдэг өдрүүдтэй байсан гэдэгт итгэлтэй байна. Гэхдээ энэ залуугийн хөл шиг арай ч үнэртээгүй байх. Тэр анхилам үнэртэй хөлнөөсөө болоод бүр баривчлагджээ!
27 настай Пракаш Кумар нь Дарамшалагаас Дели рүү явж байсан автобусанд суусан байжээ. Тэрээр тээврийн хэрэгсэл дотор байхдаа гутал, оймсоо тайлахаар шийдсэн байна. Хөлөөс нь өмхий үнэр үнэртэж байсан нь зорчигчид түүнээс оймсоо цүнхэндээ хийх үү, эсвэл бүр гаргаж хаяхыг хүссэн юм. Нөхцөл байдал Энэтхэгт ижил төстэй автобусаар явж байсан энэ зураг шиг харагдаж байсан байх.
Кумар алийг нь ч хийхээс татгалзсан тул зорчигчидтой маргалдахад хүргэсэн бөгөөд зорчигчид автобусны жолоочийг дараагийн дүүрэг дэх цагдаагийн хэлтэс дээр зогсохыг ятгав. Кумар цагдаагийн хэлтэст эсэргүүцэл илэрхийлсэн боловч зорчигчид түүнийг өмхий үнэртэй хөлөөрөө ‘олон нийтийн бухимдлыг төрүүлэв’ хэмээн мэдүүлэг өгсөн байна. Гутлаа тайлах нь таныг асуудалд оруулж болзошгүй юм.
Цагдаагийн газрын дарга Санжеев Ганди: ‘Түүнийг олон нийтийг бухимдуулсан хэргээр баривчилж, дараа нь батлан даалтад гаргасан.’ гэж хэлсэн юм. Дараа нь Кумарыг батлан даалтад гаргажээ. Мөн зорчигчдын эсрэг оймс огт өмхийрөөгүй гэж дарамталсан гомдол гаргасан байна. Тэрээр маргааш нь тэр хавиас гарч, өөр автобусанд суусан сурагтай байна.
Автобус Гималайн Химачал Прадеш мужаас явж байжээ.
