x

Like дарж мэдээгээ үзнэ үү

Сонин Хачин

Хөршийхөө яриаг чагнаж байсан сониуч эмэгтэй төмөр хаалганд 5 цагийн турш толгойгоо гацаажээ

Заримдаа өөрийнхөө хэрэгт л хүмүүс анхаарлаа хандуулах нь дээр. Зэргэлдээх хөршөө тагнахаар оролдож байсан сониуч хүүхэн бодож байснаасаа илүү ихийг туулжээ. Зөвшөөрөлгүйгээр хөршөө тагнасан хатагтай толгойгоо хөршийнхөө төмөр хаалганд хавчуулчихаад таван цагийн турш толгойгоо гаргаж авч чадсангүй.

Энэ явдал Колумбын Ла Виржиниа хотод болсон бөгөөд нэгэн эмэгтэй хөршөө чагнаж, чагнахыг оролдож байсан гэх мэдээлэл тархжээ. Хатагтай, найз нөхөдтэйгээ хов жив хөөцөлдөхөөр хөршөө тагнахыг оролдож байсан гэжээ. Харамсалтай нь, сониучхан эмэгтэй толгойгоо хөршийнхөө төмөр хаалганы завсраар оруулж сонсохоор шийджээ. Хэдийгээр тэр толгойгоо хүчээр оруулж чадсан ч хаалганаас өөрийгөө чөлөөлж чадаагүй байна. Тэр яаж толгойгоо төмөр тороор шахаж оруулж чадсан юм болоо?

Эмэгтэйд хэцүү байгаа нь ойр орчмын зарим хүмүүсийн хов живийг бий болгосон нь гарцаагүй. Түүнийг хаалганаас чөлөөлөхийн тулд гал сөнөөгчдийг дуудах шаардлагтай болжээ. Эрэгтэйчүүд хатагтайг ичгүүртэй байдлаас гаргах гэж бүх хүчээ дайчилсаны эцэст түүнийг хаалганы завсараас суллахад бүхэл бүтэн таван цаг зарцуулжээ.

Яагаад бусдын хэрэгт хошуу дүрдэг энэ эмэгтэйг хаалганаас гаргах гэж ийм удаан хугацаа зарцуулсан нь тодорхойгүй байна. Гэсэн хэдий ч зарим нь гал сөнөөгчид нөхцөл байдлыг шийдвэрлэхэд хэцүү байсан гэж, тэд хатагтайн энэ инээдтэй байдалд инээхгүй байхыг их хичээж байсан гэж хэлжээ.

Мэдээжийн хэрэг, хэрэгт дуралсан хөршийн зурагнууд олон нийтийн сүлжээнд байр сууриа олж, тэр дороо цахим ертөнцөд цацагдан алдартай болсон юм. Зарим хүмүүс, энэ нь хөршөө тагнах гэж оролдсон эмэгтэйн үйлийн үрийн нэг хэлбэр гэж үзсэн бол зарим нь хов жив ярих дуртай хүнд сургамж болсон байх ёстой гэж үзжээ.

Бусдын хэрэгт хошуугаа дүрсэн эмэгтэйд хаалганаас чөлөөлөгдсөний дараагаар юу болсон нь тодорхойгүй хэвээр байгаа боловч түүнийг ямар нэгэн гэмтэл аваагүй гэж мэдээллэжээ. Тэрээр сургамж авсан тул хов жив хөөцөлдөн хөршүүдээ ажиглахаас зайлсхийх байх гэж найдаж байна.

Leave a Reply

 АНХААР!

Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд манай сайт хариуцлага хүлээхгүй.

Back to top button