Явган хэрvvл айлын буяныг бардаг – Маргаан зөрчлөөс сэргийлэх аргуудыг хадгалаад аваарай
10 хүртэл тоолж сур. – Эсвэл хэдэн удаа гүн амьсгаа ав. Та нөхрөө загнаж хамаг байдаг уур хилэнгээ шавхахын оронд гарч цэвэр агаар амьсгал. Жижиг маргаан ч том хэрүүл болж хувирч магадгүй тул та уураа гарсны дараа асуудлаа шийдэж сур.
Яагаад бүгд хамтдаа тэмдэглэж болохгүй гэж. Эсвэл аль алинд нь баярын дараа ороод гарч болно. Хамгийн гол нь та хоёр хамтдаа л байх хэрэгтэй. Баяр тэр бүр болоод байдаггүй шүү дээ.
Маргаан зөрчлөөс сэргийлэх олон арга байдгийн заримаас толилуулъя.
Түүнд санаачлага гаргах боломж өг. Тэр гэнэт хувцас хунар угаах гэж санал гаргавал бүү саад бол, өөрийн хиртэй оймсоо таны цагаан цамцтай цуг угаалгын машинд хийж байсан ч дуугүй бай. Таныг ямар нэг юм хэлэхэд л тэр дахиж хэзээ ч угаалгын машинд дөхөж очихгүй шүү. Гэхдээ харин таны цагаан цамц будаг болсныг хараад уучлал гуйн удтал гэмших болно. Тэгээд дараагийн удаа танаас зөвлөгөө асууна.
Түүнд сонголтын хэдэн хувилбар санал болго. Та гэр орны ажил хийгээд хүчрэхгүй байхад тэр сонин уншаад сууж байна уу? Түүнийг танд тусал гэж хүс. Гэхдээ нэг тодорхой даалгавар бүү өг, тэр үүнийг хийж чадахгүй гэж хэлнэ. Харин хэд хэдэн ажлаас сонгуул. Тэгвэл таны нөхөр юу ч хийж чадахгүй гэдгээс ичих болно. Тэр аяга угааж чадахгүй байлаа гэхэд хог асгахаас татгалзаж лав чадахгүй.
Түүнд нэг өдөр гэр орны ажлаа бүгдийг хариуцуулж өг. Тэгээд өөрөө дэлгүүр явах, үсчинд очих, найз хүүхнийхээ төрсөн өдөрт оч. Түүнийг аяга таваг, хүүхэд харах, хоол хийх ажлыг хэрхэн амжуулахыг үз.
Гэрийн ажлыг уралдаж хий. Чамайг тийм юм хийж чадахгүй гэж мөрий тавъя гэдэг арга их үр дүнтэй. Шийтгэл нь оройн хоол хийх болно. Тэр гутлаа цэвэрлэж, чадахгүй бол оройн хоол хийг л дээ.
Бүх зүйлд хошин ханд. Та нэгэнт өөрчилж чадахгүй юмаа хошигно. Таны нөхөр ахиад жорлонгийн суултуур буулгасангүй юу? уурлахын оронд “Чи жорлонд их яардаг болохоор тагийг нь сөхөж амжихгүй юм даа” гээрэй. Тэр гомдохгүй ч харин анхаарлаа хандуулах болно.
“Би чамд хэлсэн шүү дээ” гэдэг үгийг март. Та нөхөртөө өндөг шарах тухай олон дахин давтсан ч тэр дахиад түлчихсэн бол түүнийг тэнэг мангараар нь дуудахаа болиод өөрт нь өгч идүүл. Дараагийн удаа таны үгийг анхааралтай сонсох болно.
Товч тодорхой ярьж сур. Хэрэв та нөхрөө дэлгүүр лүү идэх юм ав гэж явуулаад нөөш, шap айpaг авчирвал бүү уурла. Нөгөө талаас авч үзэхэд та хэт их олон тодорхой зүйл захиалвал бас хоосон хонох магадлалтай.
Өөрийн шаардлагаа бүү хэтрүүл.
Гэр орны ажлаа хуваарилж байгаарай. Хэрэв нөхөр чинь талхны үнийг махныхаас ялгадаггүй бол түүнийг ажлын дараа дэлгүүр ороод ир гэж явуулсны хэрэггүй. Гэхдээ та дараагийн удаа түүний машинд хямдхан бензин худалдан авах гэж бүү хайгаарай. Хүн болгон өөрийн үүргээ биелүүлж байг. Та нөхөртэйгээ хэн юуны төлөө хариуцлага үүрч байгаа тухай тодруулах хэрэгтэй.
